DILI, 19/02/2019  PRADET Timor Leste offisialmente asina nota de entendementu hó  sentru nasional chega ne’eb’e halo iha Salaun Koferénsia Centro Chega! Antigo Comarca Balide – Dili, husi Diretór Ezekutivu Centro Chega! Sr. Hugo Maria Fernandes no Diretór  Ezekutivu PRADET Sr. Manuel dos Santos.

Iha tempo hanesan Director Ezekutivu PRADET Sr. Manuel Dos Santos iha ninia intervensaun katak: PRADET hetan fiar husi governu liu husi instituisaun publiku Centro nasional Chega hodi apoiu servisu tekniku ba ema ho kondisaun vuneravel ne’ebé mai husi maluk sira ne’ebé involve sira nia-a’an iha tempo resitensia.

Diretor Ezekutivu Centro Chega! Sr. Hugo Maria Fernandes hateten, liu husi selebrasaun nota entendimentu ne’e bele reforsa servisu Centro Chega! ho parseiru estratéjiku sira, ho konfiansa katak PRADET nu’udar parseiru ne’ebé ho espesialidade iha área saúde mentál, bele implementa atividade hodi tulun sobrevivente vulneravel sira ne’ebé kontinua moris iha kondisaun saúde mentál ne’ebé afetadu tanba funu.

Nia informa, atu apoiu servisu atendimentu ba sobrevivente sira, Centro Chega! mós hamutuk ho Asosiasaun Vítima no parseiru sira seluk hahú ona ho baze dadus hodi ajuda identifika Vítima sira tuir nia kategorizasaun, nune’e fasilita ekipa traballu sira hodi halo akompañamentu.

Entertantu iha tinan 2019, Centro Nacional Chega! hamutuk ho Ministériu Solidariedade Sosiál no Inkluzaun (MSSI) hahú ona selebrasaun nota entendimentu hodi tulun Sobrevivente Vulneravel sira tuir kategorizasaun tolu mak hanesan: ema ho kondisaun saúde mentál ne’ebé afetadu tanba funu, kondisaun fíziku ne’ebé hetan esperiénsia torturasaun no ba sira ne’ebé ho ekonomikamente la iha kbiit.