Uacala 16 de Otobru 2020 Pradet liu husi Programa Asistensia Moras Mental no Fatin hakmatek Baucau  offisialmente intrega uma ho medida 6×7  liu husi autoridade no familia ba inan feton kbi’t laek. seremonia intrega uma refere hetan partisipasaun husi: Presidente Autoridade Munisipiu nomos Komandante PNTL Munisipiu baucau, Offisial Polisia Suku nomos Parte Igreja. uma refere intrega direitamente husi Jestor Programa Sr. Herculano Granadeiro ba autoridade no familia kbi’it laek no uma refere hetan bensaun husi amu Paroku Baguia.

Koordenador Fatin Hakmatek  Baucau hateten katak  Pradet liu husi Programa Asistensia Moras Mental no Fatin Hakmatek Baucau-Social Economic Empowerment (SEEP) halo aprosimasaun ho familia nomos autoridade sira hodi kolabra atu ajuda sira nia komunidade kbi’it laek ne’ebe mak nia uma ahi han (Dezastre). Hafoin ne’e ekipa kontinua halo diskusaun kona-ba klinte nian situasaun iha nivel jestaun hodi konsidera oinsa atu supporta. PRADET halo jestaun hodi fo tulun liu husi suporta orsamentu husi doador DIMES, PHD no GIZ. Haree ba fundus ne’ebe mak limitadu ekipa PRADET halo koordenasaun no hamosu mekanizmu hanesan familia apoiu materis lokal no PRADET kontribui materiais fabrika atu konstrui uma simples ba kbit laek hodi fó mahon ba nia. Iha biban hanesan Jestor Programa akresenta liu tan katak Pradet mesmu ho kbi’it fundus oituan maibe kontinua koperasaun ho parte autoridade no familia sira hotu mak sai hanesan save hodi konsege realiza obra ne’e. Reprsentante familia fo agradecementu klean ba ekipa servisu liu-liu Pradet nomos autoridade ne’ebe bele fo liman ba ami nia familia nebe hetan affeita husi dezastre naturais.